MIUNDOMBINU,USAFIRI BADO NI KITENDAWILI KWA WAJAWAZITO MARA?

Ni saa 8:30 mchana Nyangeta Makori ambaye ni mjamzito anatoka kijiji cha Nyambono wilaya ya Musoma vijijini,usafiri unaofaa kwa mjamzito haupo hali iliyomlazimu kuchukua pikipiki na kupita katika barabara mbovu kwa saa nne, huku akisikilizia uchungu kutoka Msoma vijijini mpaka Kituo cha afya cha Manyamanyama wilaya ya Bunda mkoa wa Mara.

Alifika saa 11:30 jioni alipokelewa katika kituo cha afya cha Manyamanyama, bila ya kufahamu kama anamapacha katika tumbo lake,  kwa bahati nzuri baada ya muda saa moja alijifungua watoto wakiume wazuri, Doto akiwa na kilo 3.1 na Kulwa naye ana kilo 3.5 ndani ya mfuko mmoja wa uzazi.

Nyangeta huu ni uzazi wake wa tano ana watoto sita wote wakiume, watoto wa nne amejifungulia nyumbani akisaidiwa na wifi yake kwa kumshika sehemu ya mgongo wakati wa kujifungua na yeye kusukuma na kutoa mtoto, kitu kinachosababisha Nyangeta kuzaa nyumbani watoto wanne ni kijiji anachokaa hakuna zahanati na hospitali iko mbali ni mwendo wa saa 6 kwa pikipiki.

Wifi yake Nyangeta ni 'SHUJAA' amemuokoa Nyangeta asipoteze maisha kwa kumshawishi kwenda katika kituo cha afya kujifungua pamoja na kumsindikiza kutoka musoma vijijini mpaka Bunda, lakini pia ndiye mwanamke aliyemsaidia kujifungua nyumbani watoto wanne.

Ni wajawazito Tanzania wanaokumbana na shida wakati wa kutafuta huduma za kujifungua ikiwa pamoja na umbali, usafiri usio wa uhakika na barabara mbovu, kwa mujibu wa utafiti wa masuala ya afya ya uzazi ya Kitaifa wa serikali mwaka 2010(TDHS) unaeleza kuwa kila siku wajawazito 23 wanapoteza maisha kwa matatizo mbalimbali ya uzazi wakati wa kujifungua na baada ya kujifungua.

Read More

LUSIANA MJAMZITO ANAYEPOTEZA DAMU KILA MWEZI

Lusiana Danda (26) alipokuwa na mimba ya miezi nane (Oktoba 2012), alikuwa anatokwa na damu ya mwezi. Hali hii ambayo ni hatarishi kwa mjamzito na mimba yake ilianza wakati ana mimba ya miezi minne, baada ya yeye kuugua malaria.

Lusiana, ambaye ni mkulima na mkazi wa kijiji cha Ifinga, Songea, alipata matibabu katika zahanati ya Ifinga. Alivyokutwa na malaria, alipewa dozi ya dawa ya mseto ambayo hakumaliza.

“Niliamua kuacha kumeza dawa baada ya kusikia naendelea vema. Pia, nilipokuwa nameza dawa hizo nilikuwa nasikia maumivu chini ya kitovu; nikahofia mimba yangu isije kutoka,” alisema Lusiana.

Lusiana hajaolewa na hana mahusiano na mwanaume aliyempa mimba aliyokuwa nayo wakati huu. Kwa kuwa tayari ana watoto wawili na pasipokuwa na mtu mwingine wa kumtegemea, Lusiana aliendelea na kazi za kulima kama kibarua bila ya kupumzika, japokuwa alikuwa mjamzito na japokuwa alikuwa anaumwa.

Siku moja, Lusiana akiwa shambani na baada ya kulima kwa saa mbili, ghafla aliaanza kusikia maumivu makali chini ya kitovu. Maumivu hayo yalikuwa yakizidi kadiri muda ulivyokwenda na alikuwa akijisikia hali ya kutaka kujisaidia haja ndogo. Alipoenda msalani kujisaidia, ndipo akashtukia kuwa haukuwa mkojo bali ilikuwa ni damu.

Damu hii iliendelea kutoka kidogokidogo kwa siku tatu bila kukatika, ndipo Lusiana aliamua kwenda zahanati ya Ifinga kupima kama ujauzito wake bado ulikuwa salama.

“Nilipofika zahanati niliambiwa nitoe Tsh. 2,000 ili nipimwe kujua kama mimba bado ipo. Nilikuwa sina pesa kwa hiyo nilirudi nyumbani nikiwa sina raha,” alisema Lusiana.

Japokuwa damu ilikoma kutoka siku hiyo hiyo ya tatu, baada ya wiki mbili, Lusiana alifanikiwa kupata Sh10, 000 na kurudi tena kwenye zahanati kufanya kipimo cha ujauzito. Kipimo kilionesha kwamba bado alikuwa mjamzito lakini, mwezi uliofuata damu iliendelea kutoka tena na Lusiana aliporudi kwenye zahanati ya Ifinga kwaajili ya kujua kwa nini, hakufanikiwa.

“Niliambiwa hakuna vifaa vya kuchunguza kujua kama damu inayotoka inasababishwa na nini; na mhudumu wa afya aliniambia kuwa hajasomea kujua damu inayotoka kwa mjamzito inasababishwa na nini,” alisema Lusiana.

Kwa mujibu wa Dk. Ahmed Makuani, mtaalam wa magonjwa ya wanawake na uzazi salama kutoka Wizara ya Afya na Ustawi wa Jamii, kutokwa na damu kwa mjamzito ni kiashirio cha hatari sana. Mjamzito akiona damu inatoka anatakiwa kuwahi haraka hospitali.

Dk. Makuani alisema wanawake walio na umri wa zaidi ya miaka 35 wakishika mimba wako katika hatari ya kupoteza damu kwa sababu ya kondo la nyuma kuning’inia katika shingo ya kizazi upande wa ndani. Tatizo hili linajulikana kama placenta previa. Kitendo cha kondo la nyuma kuvumba kinaweza kusababisha kuachia sehemu iliyojishika na kutoa damu sehemu ile iliyoachia, pamoja na kuziba njia ya uzazi kuwa ndogo na mtoto kushindwa kutoka vizuri, kuzaliwa mtoto mfuu kwa kukandamizwa na kondo hilo, kuzaliwa mtoto njiti pamoja na kuzaliwa mtoto mwenye uzito mdogo
 
Naye Naibu Waziri wa Afya na Ustawi wa Jamii Dk. Seif Rashid anasema kuwa tatizo la mjamzito kupoteza damu ni tatizo sugu na kubwa sana  hapa nchini Tanzania na ndio chanzo kikubwa cha wajawazito kufariki. Dk. Rashid alisema kuwa, wataalam wa kulitatua tatizo hilo wapo wachache sana katika zahanati mbalimbali za vijijini ambako asilimia 75 ya watanzania ndio wanaishi huko.

“Kwa sasa tupo katika mkakati wa kuboresha zahanati mbalimbali kwa kuwapeleka watumishi wa sekta ya afya kusoma, masuala ya uuguzi kwa miaka miwili ili muuguzi anapokutana na tatizo hilo awe na ujuzi wa kumsaidia  mjamzito,”alisema Dk. Rashid.

Wakati Sera ya Afya ya 2007 inasistiza utoaji wa huduma bora na bure kwa mjamzito, hili bado ni changamoto kwa maeneo kama Ifinga, Songea. Zahanati ya Ifinga ina nesi mmoja na muhudumu wa afya aliyefika darasa la saba mmoja. Pia, katika zahanati hiyo, kuna mganga moja na mpimaji magonjwa maabara mmoja.

Hakuna mtaalam wa magonjwa ya mjamzito na wala hakuna vifaa tiba kama mashine ya kumsaidia mtoto kupumua akizaliwa. Kwa wakati huu, ambapo Lusiana alikuwa ni mjamzito na kuhitaji huduma hizi, kulikuwa hakuna dawa za kumchoma sindano mama ili mfuko wa uzazi usinyae baada ya kujifungua na mzani wa kupimia mtoto akizaliwa mbovu.

Japokuwa ameshindwa kupata ufumbuzi wa tatizo lake, Lusiana anatarajia kujifungua katika zahanati ya Ifinga. Hana uwezo wa kwenda katika hospitali ya Peramiho inayomilikiwa na Kanisa Katoriki Jimbo la Ruvuma, ambapo ni kilometa 243 kutoka katika kijiji cha ifinga. Nauli ya kwenda ni Tsh.38,000 na gharama za kujifungua ni Tsh. 11,000; hapo bado gharama za kuishi.

Kaimu Mganga Mkuu wa Wilaya ya Songea Dk. Daniel Masawe alisema kuwa katika wilaya hiyo, wajawazito 95 kati ya 100,000 kila mwaka wanapoteza maisha kwa sababu ya upungufu wa damu. Alithibitisha kwamba vifo hivi vinachangiwa na ukosefu wa vifaa tiba pamoja na wataalam wa kumsaidia mjamzito kujifungua salama katika zahanati mbalimbali kwenye wilaya hiyo.

"Kwa sasa watalaam wa kumsaidia mjamzito kujifungua salama ambao wamebobea katika ukunga hapa Songea ni wanne tu, ukilinganisha na zahanati 35 tulizonazo," alisema Dk. Masawe.

Mtaalam wa magonjwa ya akinamama katika hospitali ya Peramiho Dk. Marieta Mtumbuka alisema kuwa mwezi Septemba mwaka 2012, wajawazito wawili walifika katika hospitali hiyo wakiwa na tatizo la kupoteza damu. Kati ya hao ni mmoja alikuwa na miaka 37.

Mjamzito akiumwa malaria na kucheleweshwa au kutokumaliza matibabu, anakuwa hatarini kupatwa na tatizo la kutokwa na damu. Ndiyo maana, kwa mujibu wa Dk. Rashid kuna umuhimu wa mjamzito kutumia dawa ya mseto kwa sababu ndio dawa pekee iliyofanyiwa utafiti na kugundulika inaweza kutibu na kumkinga mjamzito na mtoto aliye tumboni na malaria akitumia kipindi ambacho haumwi malaria.

“Wizara imeamua kupitisha dawa ya mseto baada ya tafiti mbalimbali kubaini dawa ya chloroquin inausugu wa kuzoeleka na wadudu wa malaria. Tulipotoka katika dawa ya chloroquin tukaanza matumizi ya dawa ya  fansider lakini nayo ikaonesha uwezo mdogo wa kukabiliana na wadudu wa malaria. Baada ya utafiti ndio tumegundua dawa mbadala ya kumkinga mjamzito na malaria ni dawa mseto,” alisema Dk. Rashid

Mjamzito anapewa dawa ya mseto akiwa na mimba ya wiki 20 na wiki ya 28.

Katika kitabu cha hotuba ya makadilio ya mapato na matumizi ya mwaka wa fedha 2012/2013, kinafafanua kuwa jumla ya dozi 9,196,080 za dawa mseto pamoja na kusambaza vyandarua vya hati punguzo vyenye viuatilifu 5,412579 kwa wanawake wajawazito lakini Lusiana hana chandarua.

"Nilipoanza kwenda zahanati kupima ujauzito wangu, sikupewa chandarua. Niliambiwa vimekwisha na sina uwezo wa kununua chandarua hivyo nalala bila ya kutumia hicho chandarua,"alisema Lusiana.
Aidha kwa mujibu wa bajeti ya afya ya mwaka 2012/2013, kumekuwa na ongezeko la vituo vya afya na zahanati za serikali na binafsi, kuanzia mwaka 2005 kutoka zahanati 4,322 hadi zahanati zahanati 4,679 mwaka 2012.

wa upande wa vituo vya afya, kumekuwa na ongezeko kutoka 481 mwaka 2006 hadi kufikia 742 mwaka 2012 na kwa upande wa hospitali kutoka 219 hadi kufikia 241. Hata bado kuna wanawake kama Lusiana wanaoshindwa kupata huduma za afya zenye ubora na kwa gharama wanazoweza kuzimudu.

Read More

UNALIONAJE DARAJA LA SIMIYU?

Daraja hili ni kiunganishi kikubwa kwa mikoa wa Mara na Mwanza, lakini halijafanyiwa ukarabati toka enzi ya Mwalimu Nyerere.

Read More

NAHUYU NAYE ANACHUNGA?

Maisha bora kwa kila Mtanzania, Mtoto huyu akiwa katika harakati za kutafuta maisha bora katika kijiji cha Mugundu Wilaya ya Iramba mkoani Singida.

Read More

KILIMO KWA JEMBE LA MKONO MPAKA LINI TANZANIA?

Baadhi ya wakulima niliokutana nao katika mikoa mbalimbali ya Tanzania wakilima kwa kutumia jembe la mkono, kilimo hiki mpaka lini?

Read More

AJALI TENA?

Lori likitokea Mwanza kuelekea Dar es salaam, limepinduka katika wilaya ya Igunga Mkoani Tabora baada ya kukosa muelekeo.

Read More

SIKIKA YAMPONGEZA WAZIRI WA AFYA KWA KUWAJIBIKA

Sikika inapenda kumpongeza Waziri wa Afya na Ustawi wa Jamii, Dk. Hussein Mwinyi kwa kuweka bayana na kukiri kwamba kuna uhaba mkubwa wa dawa muhimu za kutibu malaria, maarufu kama dawa mseto (Alu) katika vituo vingi vya huduma za afya vya umma nchini.

Akizungumza na vyombo vya habari hivi karibuni, waziri Mwinyi alikiri kuwepo kwa uhaba wa dawa hizo za kutibu malaria kama zilivyoripotiwa na mtandao wa Wizara hiyo kupitia mfumo wa kielektroniki ujulikanao kama ‘SMS for Life.’ Dk. Mwinyi alinukuliwa  akiwataka watanzania kutokuwa na wasiwasi kwani suala hilo lilikuwa linashughulikiwa na kwamba usambazaji wa Alu ulishaanza.

Tunampongeza kwa dhati waziri Mwinyi kwa  kukiri uwepo wa tatizo hili na kuchukua hatua. Sikika tunaamini kwamba hatua hiyo  ni muhimu katika kukuza uwajibikaji na uwazi. Wiki mbili zilizopita, Kaimu Katibu Mkuu wa Wizara ya Afya na Ustawi wa Jamii, Regina Kikuli na Msemaji wa wizara hiyo, Nsachris Mwamwaja walikanusha taarifa iliyotolewa  na Sikika kwamba kuna uhaba wa Alu   kwa takribani asilimia 26, katika vituo vya huduma za afya nchini.  Taarifa hizo zilipakana kutoka kwenye  mfumo huo huo wa Wizara (SMS for life).

Taarifa ya Kikuli pia ilikaririwa na vyombo vya habari ikiueleza  umma kwamba kuna dawa nyingine za malaria ambazo haziripotiwi kupitia SMS for life, jambo ambalo si kweli.

Sikika inaiomba Wizara ya Afya na Ustawi wa Jamii kuharakisha usambazaji wa dawa hizi na ilichukulie suala hili kama dharura kwani kuna baadhi ya vituo vya huduma vina uhaba mkubwa wa Alu kwa takribani siku 300 sasa. Pia tunaishauri Wizara kubadili mfumo wa uagizaji wa dawa kwa zahanati na vituo vya afya  ambao huvilazimu vituo kuagiza dawa kila baada ya miezi mitatu (robo mwaka), wakati usambazaji wake unachukua muda wa miezi miwili hadi mitatu. Ni vyema vituo viwe vinaagiza dawa kila mwezi ili kupunguza tatizo la uhaba wa dawa muhimu unaojitokeza mara kwa mara.

Ikumbukwe kwamba msimu wa mvua unakaribia kuanza katika maeneo mengi hapa nchini na hivyo kuwepo kwa uwezekano wa kuongezeka kwa maambukizi ya malaria. Ugonjwa wa malaria unaongoza kwa kusababisha vifo vingi nchini.  Hivyo basi,  uwepo wa dawa za ALu za kutosha katika vituo vya huduma utasaidia kwa kiasi kikubwa kupunguza vifo hivyo.

Ni jambo la kushangaza kuona kuwa ALu zinakosekana katika vituo vingi hapa nchili wakati kuna fedha za kutosha kutoka kwa wafadhili kwa ajili ya ununuzi wa dawa hizo. Kwa kipindi cha miaka 10 iliyopita, Tanzania ilipokea kiasi cha dola za Marekani 331,112,207 kutoka Global Fund pekee, ambapo kiasi cha dola za Marekani 294,975,327 tayari zimeshatumika. Ukiachilia mbali Global fund, malaria pia imekuwa ikifadhiliwa na Mfuko wa Ufadhili wa Rais wa Marekani (PMI – USAID), Benki ya Dunia (World Bank) pamoja na wahisani wengine.

Yapo makampuni makubwa manne ambayo yameteuliwa na Shirika la Afya Duniani (WHO) kwa ajili ya kuleta dawa hizo hapa nchi. Makampuni haya yanatambulika kimataifa kwa kuwa na uwezo mkubwa wa kuzalisha na kusambaza dawa hizo kwa vipindi maalum. Tatizo tunaloliona hapa ni Wizara yetu kushindwa kufanya makadirio na kuagiza dawa hizo kwa wakati.

Ni wakati sasa kwa Mpango wa Taifa wa Kudhibiti Malaria (NMCP), Bohari ya Dawa ya Taifa (MSD), Kitengo cha Dawa cha Wizara ya Afya na Ustawi wa Jamii (PSS) na Waganga Wakuu wa Wilaya (DMOs) kuchukua hatua madhubuti za kutatua tatizo la uhaba wa Alu. Suluhu ya tatizo hili ni kwa wote wanaohusika kuwajibika kwa dhati ili kuokoa maisha ya watanzania.

Vilevile, tunaishauri serikali kupanua wigo wa matumizi ya mfumo wa ‘SMS for Life’ ili kuongeza dawa zingine muhimu na vifaa tiba. Mfumo huu unasaidia sana kutoa taarifa zenye ukweli na uhalisia na kuhusu uhaba wa dawa ili wizara  ijipange kukabiliana na tatizo hilo kwa kusambaza dawa zinazohitajika kwa wakati. Mfumo huu pia utasaidia kwa kiasi kikubwa kuboresha uwazi na uwajibikaji katika usambazaji wa dawa,  hatimaye kuboresha utoaji wa huduma za afya nchini.

Kwa namna ya pekee, Sikika inavipongeza vyombo vya habari kwa juhudi zao za dhati katika kuuhabarisha umma juu ya tatizo la uhaba wa Alu. Vyombo hivyo vilitanguliza zaidi maslahi ya umma bila kujali matamko ya wazi ya baadhi ya viongozi wa Wizara ya Afya na Ustawi wa Jamii ya kuupindisha ukweli. Kwa mara nyingine tena, vyombo vya habari vimeweza kuonesha uzalendo kwa kuweka maslahi ya taifa mbele.

Read More

BAJAJ ZA KIKWETE NA CHANGAMOTO YA USAFIRI KWA WAJAWAZITO VIJIJINI

  

WAKATI wa kampeni za Uchaguzi Mkuu wa 2010, Rais Jakaya Kikwete aliahidi kusambaza pikipiki za matairi matatu (bajaj) zipatazo 400,000 katika hospitali, zahanati na vituo vya afya nchini kwa nia ya kusaidia wagonjwa hususani wanawake wajawazito kuwahishwa hospitali wakati wa kujifungua.

Ahadi yake ilizua maswali kutokana na ukweli kuwa haikueleweka ni jinsi gani bajaj au pikipiki hizo zenye matairi matatu zitakuwa na uwezo wa kubeba wagonjwa hususani wajamzito wenye uchungu.

Wilayani Nachingwea Mkoani Lindi, Bajaji hizo hazitumiki kubeba wajawazito kama ilivyokusudiwa kutokana na ubovu wa barabara

Akizungumza na Mtendaji Mkuu wa shirika la kimataifa lisilokuwa la kiserikali la Pathfinder International, Dk Purnima Mane, Ikulu, Dar es Salaam Julai 19, 2012, Rais Kikwete alisema ni jambo lisilokubalika kwa mwanamke kupoteza maisha wakati akijifungua kwa sababu uja uzito siyo ugonjwa.
Miongoni mwa maamuzi ambayo Serikali imechukua kukabiliana na tatizo hilo ni pamoja uamuzi wa kupunguza umbali wa kufikia huduma za afya kwa kujenga zahanati kila kijiji na kituo cha afya kila kata na hivyo kuhakikisha kuwa huduma hizo zinapatikana katika umbali usiozidi kilomita tano.
Serikali pia imeamua kuwa kila kituo cha kutolea huduma lazima kiwe na huduma za wazazi na wajawazito na kuzidisha harakati za kukabiliana na ugonjwa wa ukimwi ambao ni moja ya chimbuko kubwa la vifo vya akinamama wajawazito.
Maria Kasege (20) ni mmoja wa wajawazito wanaoshindwa kufika katika vituo vya kutolea huduma kwa wakati kutokana na tatizo la usafiri wa uhakika na miundombinu mibovu ya barabara.
Anaishi kilomita 18 kutoka hospitali teule ya Rufaa ya Ilembula; barabara ya kuelekea katika kijiji chake cha Lugoda wilayani Wanging’ombe mkoani Njombe, haipitiki kwa kuwa ina mashimo.

Maria Kasege akiwa katika wodi ya wazazi baada ya kujifungua kwa upasuaji

Alitumia saa sita kufika hospitalini hapo zikiwa zimesalia siku saba kabla hajajifungua (alijifungua Oktoba 4, mwaka jana). Uchovu wa safari ulimfanya apoteze nguvu nyingi mwilini na hivyo kufanyiwa upasuaji badala ya kuzaa kwa njia ya kawaida.
Katika simulizi yake, Michael Mgaya ambaye pia ni mkazi wa kijiji hicho anasema, Septemba 13, 2011 alifiwa na mkewe Santina Mwinami.
Anasema mkewe huyo alipatwa na uchungu mwezi mmoja kabla ya tarehe aliyotarajia kujifungua.
“Nikiwa katika shughuli zangu za shamba, sikujua kwamba nitakaporudi nitamkuta mke wangu amefariki, alitokwa na damu nyingi wakati akijifungua bila msaada wowote,” anasema.
Kwasababu ya tatizo la usafiri, Mgaya anasema ilikuwa ngumu kwa mkewe kuhudhuria kliniki ili achunguzwe afya yake.
“Hesabu yangu ilikuwa nimpeleke hospitalini Ilembula wiki moja kabla ya tarehe aliyodhaniwa angejifungua,” anasema na kuongeza kwamba tangu apate mimba hiyo, mkewe huyo alihudhuria mara moja tu katika kliniki ya hospitali ya Ilembula.

Wakati Kasege na Mgaya wakihuzunika, tayari halmashauri ya wilaya ya Wanging’ombe na Njombe kwa pamoja zimepata pikipiki tatu za kubeba wagonjwa maarufu kama Bajaj za Kikwete.
Oktoba mwaka jana, mbili kati ya bajaj hizo zilipelekwa katika vijiji vya Makoga (halmashauri ya wilaya ya Njombe) na Kichiwa (halmashauri ya wilaya ya Wanging’ombe); hata hivyo hadi Januari mwaka huu bajaj moja ilikuwa katika yadi ya halmshauri ya wilaya ya Njombe ikiwa haijaunganishwa na kitanda chake.

Bajaj hii ilitelekezwa kwa muda mrefu katika yadi ya halmashauri ya wilaya ya Njombe

Pamoja na kupelekwa katika vijiji hivyo, Afisa Mipango wa Halmashauri hiyo, Shadrack Muhagama anasema pikipiki hizo aina ya eRangers, zina tatizo la kiufundi.

“Huwezi kukata kona upande wa kushoto kwasababu kitanda chake kinafika hadi tairi la mbele, na ni matatizo zaidi kuzitumia kwenye barabara za vumbi, zenye kona, miinuko, na mawe kwasababu zinapoteza nguvu,” anasema.

Hata hivyo Kaimu Mganga Mkuu wa halmashauri hiyo, Dk Conrad Ugonile anasema bajaj hizo zina uwezo wa kupenya na kufika alipo mgonjwa na kisha kumbeba na kumpeleka hospitali yoyote kulingana na maelekezo bila kucheleweshwa na foleni za barabarani hali inayoweza kuondoa tatizo la usafiri kwa wagonjwa mahututi wanaohitaji usafiri wa haraka.   
                                             
Anasema zikipatikana kwa wingi na zilizotengenezwa kwa ustadi, bajaj hizo zitasaidia kuleta ukombozi wa wananchi hususani wajawazito wenye kuhitaji matibabu ya haraka katika hospitali za rufaa au zile za mikoa.

Anasema matatizo katika sekta ya afya ni mengi, hata hivyo tatizo la wajawazito kushindwa kufika katika vituo vya kutolea huduma kutokana na ukosefu wa usafiri ni tatizo kubwa linalohitaji kupatiwa ufumbuzi utakaoleta suluhu.

Dk Ugonile, anasema asilimia 23 ya wanawake wajawazito kutoka katika vijiji visivyo na huduma muafaka wanalazimika kuzaa wakiwa majumbani, wengine bila msaada wowote.

Halmashauri ya wilaya ya Njombe na Wanging’ombe kwa pamoja zina vituo 65 vya 
kutolea huduma. Kati yake, hospitali iko moja (hospitali teule ya rufaa ya Ilembula), vituo vya afya vinne (kati yake vitatu vya serikali), zahanati ziko 60 (kati yake 53 za serikali, sita za mashirika ya dini na moja ya kampuni ya chai).

Kuna kata 28 zenye jumla ya vijiji 145 ambavyo kati yake 50 havina zahanati.
Mwenyekiti wa Halmashauri ya Wilaya ya Njombe, Valance Kabelege anasema halmashauri yake haina mpango wa kununua bajaj zaidi ya hizo kwasababu ya kuwa na hali ngumu ya fedha.

“Tuna hali ngumu hasa baada ya mji wa Makambako kupata hadhi ya halmashauri, mapato makubwa ya halmashauri yetu yalikuwa yanatoka katika mji huo wa kibiashara.” anasema.

Mwenyekiti wa Muungano wa Mashirika yasio ya Kiserikali Wilaya ya Njombe (Njodingo), Alatanga Nyagawa anasema bajaj tatu haziwezi kukidhi mahitaji ya wajawazito wanaohitaji msaada wa kufikishwa katika vituo vya kutolea huduma.

“Vijiji visivyo na vituo vya huduma, njia ya kufika sehemu zenye vituo ni kwa kutumia miguu, baiskeli, na pikipiki, aina hii ya usafiri ni kwa huduma za haraka na zisizo za haraka, aina ya usafiri huu unaweza kumletea madhara ya kiafya mjamzito au mgonjwa,” anasema.

Mkuu wa Wilaya ya Wanging’ombe, Estalina Kilasi anasema uboreshaji wa huduma za usafiri ni lazima ziendane na jitihada zingine zinazofanywa katika kuboresha afya ya uzazi.
Anazitaka halmashauri hizo kupunguza matumizi yasio ya lazima kama matumizi ya magari mengi wakati wa ziara za viongozi, posho za vikao na safari zisizo na tija ili fedha zake zisaidie kukabiliana na tatizo la magari ya kubeba wagonjwa.

Vyombo vya usafiri kama mabasi, magari ya wagonjwa, pikipiki na vinginevyo ni muhimu katika kufikia Malengo ya Maendeleo ya Milenia (Millenium Development Goals) yanayoelekeza kupunguza kwa asilimia 75, vifo vya wajawazito na watoto ifikapo 2015.

Kwa mujibu wa Shirika la Afya Duniani (WHO), usafiri ni nyenzo muhimu sana katika kuboresha na kuzifikia huduma bora za afya; unawawezesha watu kuzifikia huduma, watoa huduma kuifikia jamii hususani ya maeneo ya mbali ya vijijini na usambazaji wa vifaatiba na dawa.

Read More

EMPLOYMENT OPPORTUNITY SIKIKA

         Join us in advocating for quality health services for all Tanzanians         

ntroduction

Sikika is a non-governmental organization that advocates for quality health services for all Tanzanians. The organization works to ensure equitable and affordable quality health care services through social accountability monitoring of health systems at all government levels. For more information about Sikika please visit us at www.sikika.or.tz.

Sikika seeks to recruit the following candidates for its Dar es Salaam Office with immediate effect:

i.     Job Title: Program Officer (1 post)

Reporting to: Head of Department, Human Resources for Health

Job Purpose: Advocate for ‘’increased financial allocation, equitable distribution of health workers and their adherence to professional ethics’’

Responsibilities

·         Conduct gender – sensitive analytical studies on Human Resource for Health: Training, Recruitment, Distribution and Retention at both District and Central Government Level

·         Plan, coordinate and participate in consultative meetings with Local Government Authorities, Councilors, Member of Parliaments, Health Profession Bodies, MoHSW, PMO-RALG, PO-PSM

·         Organize and facilitate capacity building sessions with citizens, Council Health Management Teams, Health Facility Governing Committee members and Local Government officials

·         Organize, coordinate and participate in Sikika’s advocacy activities through media: interactive radio and TV programs, production of press statements, newsletter articles, Press conferences

·         Conduct Monitoring Surveys at both district and health facility level to assess the level of equity in the distribution of Human Resources Health and their adherence to professional ethics

·         Conduct Social Accountability Monitoring on both Districts councils and Central level for their effectiveness in the planning, budgeting and implementation of Human Resource for Health Strengthening Activities

·         Organize and participate in the implementation of Sikika’s Monitoring and Evaluation Activities (both internal and external)

·         Monitoring of department activities according to M&E framework based on Outcome mapping approach

·       Prepare various reports as required by your supervisors and as per organisation plan

Qualifications: Masters degree in Social Sciences, Public Health an added advantage

ii.            Job Title: Program Officer (1 post)

    Reporting to: Head of Programs

Job Purpose: To advocate for human rights related to health

Responsibilities:

·         Advocate for the inclusion of the right to health in the constitution

·         Advocate for the implementation of right to health at facility level.

·         Analyse policies and laws that promotes or hinder rights to health for further advocacy

·          To collect evidence for right to health violations and support Social Accountability Monitoring teams with basic Human rights reporting

·         Assist other department in interpretation of Local and International Laws and regulations operating within Tanzania jurisdiction including reviewing of Bills to the Parliament, enacted laws and Contracts for various services

·         Prepare and facilitate litigation against violation of health rights

• Engage with other networks and work with other Human Rights based Organisations in promoting implementation of Human Rights to health by Governments in African and Global platforms

·       Prepare various reports as required by head of programs and as per organisation plan

·         Organize and participate in the implementation of Sikika’s Monitoring and Evaluation Activities (both internal and external)

Qualifications: Masters degree in any field of Social sciences with background in LLB

iii.   Job title: Program Officer

  Reporting to: Head of Media & Communication

Responsibilities:

• Lead in production of electronic activities within Sikika

• Create and develop story lines for Sikika’s electronic programs
• Provide technical advise on production of documentaries/programs
• Work with production companies during documentary production, filming and editing of radio, TV spots & documentaries.

·         Monitor Sikika aired programs to ensure contractual compliance

• Write and produce high quality communication materials, including website content, and effectively communicate these across key audiences
• Develop and maintain good relations between Sikika and the media
• Organize press conferences and other media related activities
• Write quality activity reports as required by the organization
• Support other Sikika departments as needed

Qualifications: A Bachelor's degree in a related field, Masters a plus.  Social media, web-based communication, and graphic design skills are considerable additions.

iv.            Job Title: Monitoring & Evaluation Officer (1 post)

Reporting to: Head of Programs

Job Purpose: To monitor, advice and evaluate progress towards achievement of organization objectives

Responsibilities

·         Review and customize Sikika’s Outcome Mapping framework including the revision of Outcome challenges, progress markers and relevant journals

·         Design the evaluation schedule and documents for annual reviews, mid term and final evaluation

·         Organize the Sikika’s annual stakeholders’ meeting

·         Design tools and schedule for staff retreats, participatory outcome assessments and lessons-learned workshops

·         Make available core information needed for program management team, the Board and development partners and align reports to agreed requirement

·         With boundary and strategic partners (stakeholders), set out the framework and procedures for the evaluation of program’s outcomes

·         In collaboration with HR Manager, develop a plan for program-related capacity-building on M&E and for any support that may be required by the program staff

·         Based on the Annual work plan and in particular the programme budgets, design the framework for outcome monitoring of program activities.

·         Guide staff in preparing their progress reports. Analyse these reports from all departments, and prepare consolidated progress reports for program management to submit to the relevant bodies, in accordance with approved reporting formats and timing.

·         Organize and implement field monitoring visits to identify lessons and implications for the program

·         Produce case studies (print and electronic) on various interventions by Sikika

·         Coordinate and guide the regular sharing of outputs of M&E findings with staff, partners and primary stakeholders

Qualifications; Masters in Monitoring & Evaluation, Economics

General requirements for posts i-iv 4

a)      At least three years experience in areas related to your responsibilities b) Excellent writing and communication skills c) Strong research and analytical skills d) High level strategic ability and advocacy skills e) Computer skills (f) Strong organizational and management skills

v.     Job Title: Driver

Reporting to: HR & Administration Manager

Job Purpose: Providing driving service at Sikika

· Provides reliable and safe driving services to Sikika in all field visits

· Keeping the vehicle clean all the time

· Making sure that maintenances including service of the vehicles are done on time

· Making sure the vehicle insurance covers and road safety and all required documents are available

·    Inspect truck for defects and safe operating condition before, during and after trips and submit a written report on the condition of the truck at the end of each trip or tour of duty

Qualifications: Possession of Form IV Secondary Education, Valid driving license class C

Remuneration:

An attractive remuneration package will be offered to successful candidates.

If you believe you satisfy the above requirements you are encouraged to send:

a) A cover letter explaining why your competencies and experiences are suitable for the job b) An updated CV which includes your contact details and

c) The full names and addresses of 3 references

Send your application to: The Human Resources and Administration Manager at Sikika, by e-mail only: jobs@sikika.or.tz.

Application Deadline:  27^th February 2013